Bankinn safnar blóði fyrir jólin

„Það er verið að nota blóðhluta á hverjum einasta degi þannig að við þurfum alltaf að halda okkur við efnið og halda blóðgjöfum við efnið,“ segir Ína. Sjúklingar fari ekki í frí.

Segir hún blóðbankann þurfa 70 blóðgjafa á dag og reyni þess vegna að byggja upp lagerinn þannig að hann þoli daga án söfnunar. Sérstaklega er óskað eftir komum blóðgjafa í blóðflokkunum O+, A+ og O-. Flest fólk er O+ og A+ en úr O- vinnur bankinn rauðkornaþykkni sem hægt er að gefa öllum, svokallað neyðarblóð, sem m.a. bráðadeildin er með á lager. Ína minnir á að gjafir blóðgjafa séu nauðsynlegar til að hægt sé að halda uppi heilbrigðisþjónustu á Íslandi og segir bankann vilja minna fólk á að það sé gott að koma og gefa í Blóðbankanum.

Tekur hún þó fram að nýir blóðgjafar gefi ekki í fyrsta sinn og því sé betra að fá þá inn eftir áramót.

Blóðgjöfum er bent á að lesa sér til á blodgjafi.is og bóka tíma í síma 543-5500 eða á blood@landspitali.is.