Safnskóli verður byggður í Laugardal

Skóla- og frístundaráð Reykjavíkurborgar samþykkti í dag að halda áfram vinnu við þróun og byggingu safnskóla á unglingastigi í Laugardal sem stefnt er að verði tekinn í notkun árið 2030.

Þetta segir í tilkynningu frá skóla- og frístundaráði Reykjavíkurborgar.

Segir þar enn fremur að áætlað sé að safnskólinn muni rísa á svokölluðum „þríhyrningi“ á milli Skautahallarinnar og félagsheimilis Þróttar og Ármanns. Þá var einnig ákveðið í dag að halda aldurshópum í Laugarhverfi saman eins og var óskað eftir í samráðsferli málsins.

Verður safnskólinn fyrir unglinga í 8.-10. bekk af skólasvæði Langholtsskóla, Laugarnesskóla og Laugalækjaskóla.

Frétt af mbl.is

Segja borgaryfirvöld ætla að sniðganga allt samráð

Frétt af mbl.is

Hefja undirskriftasöfnun gegn áformum borgaryfirvalda

Grunnskólarnir verði skólar fyrir yngri árganga

Þá er einnig gert ráð fyrir að unglingar sem búi á nærliggjandi uppbyggingarreitum, við Grensásveg, á Orkureinum og í Skeifunni, muni stunda nám í skólanum en það verður þó skoðað nánar í sambandi við þróun íbúafjölda á uppbyggingarsvæðunum.

„Grunnskólarnir þrír sem fyrir eru í hverfinu munu allir vera skólar fyrir yngri árganga: Langholtsskóli fyrir nemendur í 1.–7. bekk, Laugarnesskóli fyrir nemendur í 1.–4. bekk og Laugalækjarskóli fyrir nemendur í 5.–7. bekk.

Bekkjaskiptingin í Laugarnes- og Laugalækjarskóla er útkoma yfirferðar umsagna þar sem fram kom vilji til að halda aldurshópum í Laugarhverfi saman í stað þess að búa til tvo skóla fyrir börn í 1.-7. bekk,“ segir í tilkynningunni.

Frétt af mbl.is

Vilja byggja við grunnskólana þrjá í Laugardal

Setja upp tímabundið skólaþorp

Þá munu næstu skref lúta að því að koma upp tímabundnu skólaþorpi á syðsta hluta bílastæðisins við KSÍ sem er í undirbúningi og stefnt að því að fyrsti hluti verði tilbúinn haustið 2025.

Kemur fram að börn úr Laugarnesskóla munu fyrst um sinn stunda nám í skólaþorpinu svo hægt verði að fara í nauðsynlegar og umfangsmiklar framkvæmdir á skólabyggingum.

„Áætlanir gera ráð fyrir því að safnskólinn verði tekinn í notkun árið 2030 og skólastarf fram að því verði að mestu leyti með óbreyttu sniði. Nokkru áður en nýi skólinn opnar verður blásið til samráðs með starfsfólki um skólastarf í nýjum skóla og breytingar á skólastarfi skólanna þriggja.“

Frétt af mbl.is

Ákvörðun Reykjavíkurborgar sögð illa rökstudd

• Blogga um frétt