Fjöldi fyrirtækja segir sig úr SVEIT

Fimmtungur allra þeirra fyrirtækja sem stéttarfélagið Efling sendi bréf vegna kjarasamnings SVEIT, samtaka fyrirtækja á veitingamarkaði, við stéttarfélagið Virðingu, hefur sagt sig úr samtökunum. Þá hafa enn fleiri fyrirtæki lýst því að þau muni fylgja kjarasamningum Eflingar og Samtaka atvinnulífsins. 

Þetta kemur fram í tilkynningu frá Eflingu.

Sólveig Anna Jónsdóttir, formaður Eflingar, sendi bréf til aðildarfyrirtækja SVEIT fyrir hádegi í gær þar sem tíundaðar voru sumar þær aðgerðir sem Efling hyggst ráðast í gegn SVEIT og einstökum aðildarfyrirtækjum, vegna þess sem Efling telur að sé ólögmætur kjarasamningur við Virðingu. Þegar hafa borist viðbrögð frá tugum fyrirtækja. 

Frétt af mbl.is

Gera grein fyrir aðgerðum sem gripið verður til

Launafólk stofni sjálft sín félög

Það var SVEIT sem stofnaði stétt­ar­fé­lagið Virðingu fyr­ir starfs­fólk sitt, en bent hefur verið á að slík ráðstöf­un gangi gegn grund­vall­ar­regl­um á vinnu­markaði. Launa­fólkið sjálft eigi að stofna sín stétt­ar­fé­lög.

Áður höfðu Efl­ing, Starfs­greina­sam­bandið, ASÍ, BSRB, BHM og fleiri gagn­rýnt harðlega stofn­un Virðing­ar. Í yf­ir­lýs­ingu sem BSRB og BHM sendu frá sér í gær sagði jafn­framt að það væri forkast­an­legt að at­vinnu­rek­end­ur væru að grafa und­an rétt­ind­um launa­fólks í eig­in­hags­muna­skyni, með þessum hætti.

Frétt af mbl.is

„Kalla yfir sig stríð“ ef félagið starfar áfram

Frétt af mbl.is

Segja kjarasamninginn andstæðan lögum

Ánægð með viðbrögðin

Af þeim 108 fyrirtækjum sem fengu bréf frá Sólveigu Önnu í gær hafa 22 fyrirtæki lýst því að þau hafi gengið úr SVEIT eða hafi óskað eftir úrsögn. Þá hafa alls 33 fyrirtæki lýst því að þau muni fylgja kjarasamningi Eflingar, eða tæpur þriðjungur. Félaginu hafa einnig borist staðfestingar á hinu sama frá fyrirtækjum sem ekki fengu umrætt bréf. 

„Ég er mjög ánægð með þau viðbrögð sem mér hafa borist frá forsvarsmönnum veitingahúsa. Langflestir hafa lýst yfir fullum vilja til að fylgja löglegum kjarasamningum og virða réttindi síns starfsfólks. Það er jafnframt ánægjulegt að sjá fyrirtækin segja sig úr SVEIT, en í því felst skýr afstaða gegn þeim ömurlega blekkingarleik sem SVEIT hafa sett á svið í gegnum gervistéttarfélagið Virðingu,“ er haft eftir Sólveigu Önnu í tilkynningunni.

Frétt af mbl.is

„Forkastanlegt“ að grafa undan réttindum launafólks

• Blogga um frétt