„Þetta svona er að raungerast í hausnum á manni“
Setja bókamerki
Þingmenn á nýliðakynningu Alþingis voru spenntir fyrir því að taka til starfa.
Blaðamaður mbl.is fékk að fylgjast með og ræddi við nokkra þeirra.
„Þetta svona er að raungerast í hausnum á manni að maður sé að fara setjast á þing og það er mjög ánægjuleg tilfinning. Mikill heiður að vera í þessu hlutverki,“ segir Ragnar Þór Ingólfsson, þingmaður Flokks fólksins.
Nýliðarnir fengu kynningu á hagnýtum atriðum sem varða allt frá tækjabúnaði og aðgengi að Alþingi yfir í starfskjör þeirra. Þá var einnig farið yfir helstu atriði varðandi þingstörfin.
Skemmtilegt á kynningunni
„Það er auðvitað gaman að koma í þessi húsakynni. Bæði Smiðju, sem er nýtt og glæsilegt húsnæði, og gaman að koma hingað líka í [Alþingis]salinn og sjá allt. Þannig það er auðvitað bara búið að vera mjög skemmtilegt,“ segir Alma Möller, þingmaður Samfylkingarinnar.
Nýir þingmenn verða meirihluti þingmanna á komandi þingi, en samtals 33 af 63 þingmönnum sátu ekki á Alþingi síðasta kjörtímabili.
Líst vel á að vera mættur aftur
Fimm þeirra hafa þó setið á þingi.
Pawel Bartoszek, þingmaður Viðreisnar og borgarfulltrúi, er einn af þeim en hann var þingmaður árin 2016-2017.
„Mér líst náttúrulega prýðilega á að vera kominn aftur. Ég finn fyrst og fremst fyrir ábyrgðartilfinningu. Ábyrgðartilfinningu fyrir að vera treyst fyrir þessu hlutverki, að móta lög landsins og framtíð,“ segir Pawel.
Kúluhús og klósett voru reist án leyfis
Allt uppbókað í hjónavígslunum
Læknar samþykkja nýjan kjarasamning
Ráðuneytið varð við beiðni fjölskyldu Lúðvíks
Lenti í hálkuslysi skömmu eftir kosningar
Hefja að skrifa stjórnarsáttmála eftir helgi
Katrín: „Ég upplifði bara raunverulega sorg“