Íslendingur valinn ljósmyndari ársins í New York

Stórbrotin ljósmynd af auga gígsins í eldgosinu við Litla-Hrút í ágúst 2023 vann til alþjóðlegra ljósmyndaverðlauna í New York í Bandaríkjunum. Íslendingurinn sem tók ljósmyndina var einnig valinn ljósmyndari ársins. Hægt er að sjá verðlaunamyndina neðar í fréttinni. 

Auga eldfjallsins (e. The Volcano Eye) er ljósmynd eftir Íslendinginn Gunnar Frey Gunnarsson og var hún valin ljósmynd ársins í ljósmyndakeppni New York Photography Awards.

Þar að auki var Gunnar sjálfur valinn ljósmyndari ársins. 

Frétt af mbl.is

Gunnar Freyr birti magnaðar myndir af gosinu

Bjóst ekki við þessu

Bjóstu við þessu?

„Nei, alls ekki,“ segir Gunnar í samtali við mbl.is og heldur áfram: „Ég var eiginlega í sjokki. Ég hef eiginlega aldrei tekið þátt í svona ljósmyndakeppni áður og aldrei unnið neitt áður þannig að þetta kom mér verulega á óvart.“

Um sex þúsund manns tóku þátt í keppninni frá 55 löndum.

Frétt af mbl.is

Gunnar hætti ekki fyrr en Phil gerði þátt um Ísland

Hér má sjá ljósmyndina, Auga eldfjallsins. Ljósmynd/Gunnar Freyr Gunnarsson

• Blogga um frétt