Innlent | Morgunblaðið | 17.12.2024 | 6:00 | Uppfært 6:19

Segir þéttingarstefnuna komna í þrot

Útsýnið af svölum íbúðar við Árskóga 7 er ekki glæsilegt. Morgunblaðið/Karítas

„Við erum komin að mörkum þess sem er einfaldlega boðlegt. Borgin hlýtur að vera komin í þrot með þessa þéttingarstefnu og þetta skeytingarleysi gagnvart fólki um að hleypa því ekki að skipulagsmálum. Að byggja svona vegg í 14-15 metra fjarlægð, fyrir framan glugga hjá fólki, er bara nokkuð sem á ekki að geta gerst. Það er fráleitt að bjóða upp á þetta,“ segir Páll Jakob Líndal umhverfissálfræðingur um byggingu vöruhússins við Álfabakka 2 í Suður-Mjódd.

Spurður hvaða áhrif þetta geti haft á heilsu fólks segir hann að þetta geti haft veruleg áhrif á heilsu þeirra sem þarna búa. „Ég vil fyrst nefna ljósvistina í íbúðunum. Þessar íbúðir snúa í norður og það er umhugsunarefni út af fyrir sig hvers vegna skipulagsyfirvöld heimila slíkt. Svo getum við spáð í útsýnið og það hvað fólk hefur fyrir utan gluggana hjá sér. Ef fólk er svipt því hefur það neikvæð áhrif á velferð, heilsu og líðan fólks.

Það eru ekki bara íbúar Árskóga 7 sem þurfa að hafa áhyggjur heldur allir íbúar borgarinnar. Hvað gerist næst? Það virðist vera undir hælinn lagt hvað er kynnt fyrir fólki og svörin sem það fær eru beinlínis röng.“

Lesa má nánar um málið í Morgunblaðinu í dag