Hvar er opið í dag?

Nú er aðfanga­dag­ur runn­inn upp og þó svo að marg­ir Íslend­ing­ar hafi verið í óðaönn að und­ir­búa hátíðarn­ar síðustu vik­ur og daga þá þykir ekki ólík­legt að eitt­hvað hafi gleymst í óðag­ot­inu sem get­ur fylgt því að skipu­leggja jól.

Hér fyr­ir neðan má finna lista, sem er að vísu ekki tæm­andi, yfir versl­an­ir og ýmsa þjón­ustu sem hægt er að sækja í dag.

Kringl­an og Smáralind loka klukk­an 13

Stærstu versl­un­ar­miðstöðvarn­ar á höfuðborg­ar­svæðinu Kringlan og Smáralind opna dyr sín­ar fyr­ir viðskipta­vin­um klukk­an 10 og loka klukk­an 13.

Í versl­un­um Bónus verður opið milli klukk­an 10 og 14. Flestar verslanir Krónunnar verða opnar frá 9 til 15. Nokkrar verslanir Krónunnar opna kl. 8. Verslanir Hagkaupa í Kringlunni og Smáralind verða opnar frá 9 til 14. Aðrar verslanir verða opnar til klukkan 16.

Í verslunum Iceland verður opið til klukkan 16. Flestar verslanir Nettó verða opnar til klukkan 14 en mismunandi er á milli verslana klukkan hvað þær opna. 

Á aðfangadag er opið frá 10-13 í öllum verslunum ÁTVR á höfuðborgarsvæðinu. Opnunartími á landsbyggðinni er mismunandi milli verslana. Hér má nálgast frekari upplýsingar um opnunartíma þeirra. 

Apótekin opin

Fyr­ir þá sem þurfa að fara í apó­tek verða verslanir Lyfju, Lyf og heilsu og Apótekarans opnar.

Opnunartími er mismunandi milli verslana. Lengsti opnunartíminn verður í verslunum Lyfju í Lágmúla og á Smáratorgi, en þar verður opið milli 8 og 17, og í verslun Apótekarans í Austurveri, þar verður opið milli 8 og 18. 

Hægt að skella sér í sund

Fyr­ir þá sem vilja skella sér til sunds á höfuðborg­ar­svæðinu þá verður opið í öll­um sund­laug­um Reykjavíkur, nema Klébergslaug, milli kl. 6.30 og 12. Klébergslaug opnar klukkan 9 og lokar 13.  

Í Kópavogi verða Sala­laug­ og Sund­laug Kópa­vogs opn­ar milli 8 og 12. Sundlaug Seltjarnarness verður opin milli klukk­an 8 og 12.30

Í Garðabær, Ásgarði og á Álftanesi munu laug­arn­ar opna kl. 6.30 og loka 11.30.

Sund­höll Hafna­fjarðar verður opin á milli 6.30 og 11. Ásvalla­laug og Suður­bæj­ar­laug verða með opið á milli 6.30 og 13.

• Blogga um frétt