Ekkert ferðaveður og vegalokanir á jóladag
Setja bókamerki
Þjóðvegur 1 er lokaður til austurs frá Reykjavík nú á jóladagsmorgun, að því er fram kemur á vef Vegagerðarinnar, umferdin.is. Eru þar teknar fram vegalokanir allt frá Norðlingaholti, um Hellisheiði og til Hveragerðis.
Sömuleiðis er Þrengslavegur lokaður og Nesjavallaleið. Þjóðvegur 1 er einnig lokaður á Holtavörðuheiði.
Appelsínugular viðvaranir
Appelsínugular veðurviðvaranir Veðurstofunnar eru í gildi á Suðurlandi, Breiðafirði og við Faxaflóa. Er spáð suðvestan 15-25 m/s og dimmum éljum með lélegu skyggni og versnandi akstursskilyrðum, hvassast í éljahryðjum, að því er segir á vef Veðurstofunnar.
Er þar varað við því að ekkert ferðaveður sé.
Með deginum ætti veðrið að skána eitthvað en þegar klukkan er orðin 18 verða í gildi gular viðvaranir í stað þeirra appelsínugulu.
Gular viðvaranir eru þegar í gildi á höfuðborgarsvæðinu, Vestfjörðum, Ströndum, Norðurlandi vestra og á Suðausturlandi.
Fyrstu viðvaranirnar falla alveg úr gildi á miðnætti og klukkan 6 að morgni annars dags jóla falla þær síðustu úr gildi.
Kosningarnar standa
Höfða mál gegn Kennarasambandinu
Fimm Íslendingar á brottvísunarlista
Fáránlegt að setja fyrst á komugjöld
Leiðum er lokað í Heiðmörk vegna vatnsverndar
Bjóst ekki við að fá Grammy
Skoða verkfallsbrot í Snæfellsbæ