Gular viðvaranir eru í gildi á Suðurlandi, Faxaflóa og á miðhálendinu vegna hvassviðris og hríðarveðurs.

Á Suðurlandi og Faxaflóa falla þær úr gildi klukkan 9 en á miðnætti á miðhálendinu.

Í hugleiðingum veðurfræðings á Veðurstofu Íslands segir að lægðin sem olli stormi og éljagangi í gær sé nú komin vel áleiðis norður í haf og hefur dregið talsvert úr vindi og éljum. Önnur lægð mun þó myndast skammt suður af Ammassalik í dag og vindur aukast að sama skapi.

Í dag verða suðvestan 15-23 m/s framan af morgni en síðar hægari, 8-15 m/s norðan til síðdegis, en 20-25 m/s syðst. Það verða él sunnan og vestan til framan af degi, en síðan slydda eða rigning með köflum. Það verður úrskomulítið norðaustanlands. Hitinn verður á bilinu 0 til 5 stig síðdegis.

Á morgun verða suðvestan 8-15 m/s, hvassast við suðurströndina. Það verður éljagangur en úrkomulaust að mestu um landið norðaustanvert. Það kólnar í veðri og frost verður 1-8 stig um kvöldið.

Veðurvefur mbl.is

Tengdar fréttir

Veður

Veðurstofan kynnir gottvedur.is

• Mikill vatnselgur og verður út vikuna
• Varað við sterkum vindhviðum
• Varað við vonskuveðri um allt land
• Búist við stórhríðarveðri og staðbundnu foktjóni

» Fleiri tengdar fréttir

• Blogga um frétt