Hæstiréttur tekur búvörulögin fyrir

Hæstiréttur hefur samþykkt að taka fyrir mál Innes og Samkeppniseftirlitsins sem fjallar um heimild eftirlitsins til að grípa inn í háttsemi framleiðendafélaga samkvæmt búvörulögum. Héraðsdómur komst að þeirri niðurstöðu að lögin hefðu ekki lagagildi.

Þetta kemur fram í ákvörðun Hæstaréttar.

Í síðasta mánuði komst Héraðsdómur Reykjavíkur að þeirri niðurstöðu að búvörulögin sem voru samþykkt á Alþingi í mars hefðu ekki verið sett á stjórnskipulegan hátt. Ástæðan var sú að svo miklar breytingar höfðu verið gerðar á frumvarpinu við meðferð þess á Alþingi.

Frétt af mbl.is

Vilja búvörulagafrumvarp beint í Hæstarétt

Samkvæmt 44. gr. stjórnarskrárinnar mega engin lög vera samþykkt nema þau hafi fengið þrjár umræður á Alþingi. Vegna þeirra breytinga sem urðu á frumvarpinu taldi héraðsdómur frumvarpið í raun bara hafa fengið eina umræðu á þingi.

Málið á rætur að rekja til þess að Innes krafðist þess að Samkeppniseftirlitið gripi til íhlutunar vegna háttsemi framleiðendafélaga. Eftirlitið hafnaði kröfunni og sagði eftirlitið félögin ekki lengur á valdsviði þess eftir að Alþingi samþykkti umrædd búvörulög. 

Frétt af mbl.is

Afgreiðsla búvörulaga í andstöðu við stjórnarskrá

Frétt af mbl.is

Dómur héraðsdóms án fordæma

• Blogga um frétt