„Við erum ekki búin að stoppa í allan dag,“ segir Kristján Kristjánsson, hjá árekstur.is en mikið er að gera hjá starfsfólki vegna árekstra um allt höfuðborgarsvæðið.

„Ég skil eiginlega ekkert í þessu, því það er engin umferð,“ segir Kristján.

Líkt og höfuðborgarbúar hafa orðið varir við er afar snjóþungt utandyra og vegir víða hálir í bland við svæði sem eru þungfær.

30 útköll um miðjan dag 

Að sögn Kristjáns hafði fyrirtækið þegar farið í um 30 útköll vegna árekstra um klukkan hálf þrjú. „Það voru 15 árekstrar strax í morgun. Svo er þetta búið að vera samfellt síðan þá,“ segir Kristján. Til samanburðar segir hann að fyrirtækið fari í 20-25 útköll á 12 tíma vinnudegi þegar aðstæður eru varasamar.

Frétt af mbl.is

„Þetta kemur á óvart“

„Nú er dagurinn um það bil hálfnaður og við erum komin yfir það sem gerist á heilum degi þegar umferðin er eðlileg,“ segir Kristján.

Snjóþungt er í Reykjavík og mokstursþjónusta í fullum gangi. mbl.is/Eggert Jóhannesson

Enn fólk á sumardekkjum

Hann segir seinni part umferðarinnar eftir og á hann því von á enn fleiri útköllum vegna árekstra. „Það er mikið um að bílar séu að renna inn á gatnamót fyrir bíla, svo eru þetta náttúrlega aftanákeyrslur líka,“ segir Kristján.

Að sögn hans er enn of mikið um illa búna bíla.

„Sumt fólk er enn að keyra um á sumardekkjum. Ég trúi varla að ég sé að segja þetta í lok desember. En fólk er misjafnt og við erum að sjá fólk á illa búnum bílum til vetraraksturs.“

Tengdar fréttir

Veður

Stutt hlákuskeið í kortunum

• Ísstíflur viðvarandi
• Gengur vel að ryðja brautir
• Éljagangur og frost allt að 10 stigum
• Árið 2024 kaldasta ár aldarinnar

» Fleiri tengdar fréttir

• Blogga um frétt