„Þetta voru ekkert sérstaklega þægileg jól. Nokkrar truflanir yfir hátíðirnar. Ekkert af einhverjum stærðargráðum og allt svona frekar stutt,“ segir Guðrún Vaka Helgadóttir, sérfræðingur á sviði samskipta og samfélagsmála hjá Rarik.

Veðrið hefur ekki haft áhrif á starfsemi Rarik í dag og bendir ekkert til þess að sögn Guðrúnar en nefnir hún þó að orkufyrirtækið sé alltaf með viðbúnað og vegi og meti aðstæður hverju sinni.

Þá segir hún veður hafa minni áhrif í dag en það gerði forðum daga þar sem orkuflutningur fyrirtækisins fari að mestu í gegnum strengi neðanjarðar.

Elding olli rafmagnsleysi

Hún nefnir þó að einhverjar truflanir á kerfi fyrirtækisins hafi átt sér stað um hátíðirnar sums staðar á landinu en t.a.m. slá niður eldingu á Mýrum sem olli rafmagnsleysi.

Frétt af mbl.is

„Þetta er ekta eldingaveður“

Ófært er á sunnanverðu Snæfellsnesi og búist er við frekari leiðindum seinni partinn og nefnir Guðrún að því gæti verið erfitt að komast í viðgerðir ef eitthvað kæmi upp vegna færðarinnar.

Frétt af mbl.is

„Þetta verður ekki spennandi seinni partinn“

„En í svona miklu frosti ætti ekki að verða mikill ágangur á línurnar af því það er í þessum núll gráðum sem það verður þessi ísing. Þegar það er svona mikið frost þá er þetta bara púður og sest ekki jafn mikið á.“

Upphaflega stóð í fréttinni að eldingu hefði slegið niður í Mýrdal en það var á Mýrum. Fréttin hefur verið uppfærð.

Tengdar fréttir

Veður

Stutt hlákuskeið í kortunum

• Ísstíflur viðvarandi
• Gengur vel að ryðja brautir
• Éljagangur og frost allt að 10 stigum
• Árið 2024 kaldasta ár aldarinnar

» Fleiri tengdar fréttir

• Blogga um frétt