Björgunarsveitirnar Berserkir og Klakkur ferjuðu fólk niður af Vatnaleið á Snæfellsnesi síðdegis í dag.

Fólk á öllum aldri var ferjað í á öðrum tug bíla niður af heiðinni auk tveggja vörubílstjóra í kjölfar þess að vegurinn um Vatnaleið lokaðist vegna áreksturs nokkurra bíla.

Samkvæmt upplýsingum frá Slysavarnafélaginu Landsbjörgu lauk aðgerðum um áttaleytið í kvöld.