Þorgerður: „Jimmy Carter var landsfaðir“

Þorgerður Katrín Gunnarsdóttir utanríkisráðherra segir að Jimmy Carter, fyrrverandi Bandaríkjaforseti, sem lést í gær 100 ára að aldri, hafi verið fyrirmynd og landsfaðir í víðum skilningi þess orðs.

„Jimmy Carter var mikill heiðursmaður sem í gegnum sitt lífshlaup var sterkur málsvari friðar og mannréttinda, samvinnu og samstarfs. Hann lagði ávallt áherslu á mikilvægi lýðræðis, ekki einungis fyrir Bandaríkin heldur heimsbyggðina alla,“ segir Þorgerður Katrín í svari við fyrirspurn mbl.is. 

Cart­er var kjör­inn 39. for­seti Banda­ríkj­anna árið 1976 og var eitt kjör­tíma­bil, en hann tapaði svo í for­seta­kosn­ing­um á móti Ronald Reag­an 1980.

Frétt af mbl.is

Jimmy Carter er látinn

Hafði jákvæð áhrif allt til æviloka

Þjóðarleiðtog­ar og utanríkisráðherrar um heim all­an hafa í dag minnst Jimmys Cart­ers.

„Jimmy Carter var landsfaðir í víðum skilningi þess orðs og fyrirmynd í því hvernig einstaklingar geta haft áhrif á heiminn með hugsjón, mannúð og samkennd að leiðarljósi,“ segir Þorgerður og heldur áfram:

„Þótt hann hafi einungis verið forseti Bandaríkjanna í 4 ár þá hafði hann jákvæð áhrif á Bandaríkin og alþjóðasamstarf, allt til æviloka.“

Frétt af mbl.is

Þjóðarleiðtogar minnast Jimmys Carters

• Blogga um frétt