Aðgerðum slökkviliðs lokið

Slökkviliðið á höfuðborgarsvæðinu hefur lokið aðgerðum við Reykjavíkurhöfn. Lögreglan hefur tekið við vettvanginum. Einn var sóttur úr bifreiðinni og fluttur á sjúkrahús.

Þetta segir Stefán Kristinsson, varðstjóri hjá slökkviliðinu á höfuðborgarsvæðinu, í samtali við mbl.is.

Frétt af mbl.is

Bifreið hafnaði í sjónum

Fyrr í dag var greint frá því að mikill viðbúnaður væri við Reykjavíkurhöfn vegna tilkynningar um bifreið sem fór í sjóinn.

Síðar var greint frá því að slökkviliðið hefði náð í einn úr bifreiðinni sem var fluttur á sjúkrahús. Gengið er út frá því að enginn annar hafi verið í bifreiðinni.

Lögreglan á höfuðborgarsvæðinu sagði í færslu áðan að rannsókn væri hafin á málinu og að ekki verði veittar frekari upplýsingar að svo stöddu.

Frétt af mbl.is

Rannsókn á frumstigi

• Blogga um frétt