Tékkneski flugherinn gætir Íslands á næsta ári
Setja bókamerki
Allt að 95 tékkneskir hermenn á vegum tékkneska flughersins eru væntanlegir til landsins næsta sumar til að sinna loftrýmisgæslu. Um er að ræða fjórða sinn sem Tékkar sinna vörnum Íslands með þessum hætti en síðast komu þeir til landsins 2016.
Fram kemur á vef tékkneska þingsins að til standi að nota sænskar orrustuflugvélar af gerðinni JAS-39 Gripen, framleiddar af Saab, eins og undanfarin þrjú skipti sem Tékkar hafa sinnt loftrýmisgæslu hér á landi.
Tilgangur loftrýmisgæsluverkefnisins er að mæta eftirlits- og viðbragðsþörfum Íslands á friðartímum og verja lofthelgi Atlantshafsbandalagsins, NATO. Aðildarríki bandalagsins hafa vegna mikilvægrar landfræðilegrar legu Íslands skipst á um að sinna verkefninu allt frá því að Bandaríkin ákváðu að loka herstöð sinni í Keflavík árið 2006.
Tékkneska þingið samþykkti nýverið dreifingu útsendra hermanna Tékklands árin 2025-2026 en Vera Kovarova forseti þingsins sótti Ísland heim síðastliðið sumar ásamt fulltrúum úr utanríkismálanefnd tékkneska þingsins.
Mesta vatnshæð frá upphafi mælinga
Hættu við að handtaka forsetann
Vinnufundur ríkisstjórnarinnar hafinn á Þingvöllum
Meiddist eftir að múrsteini var kastað í gegnum rúðu
Ólafsfjarðarmálið fer fyrir Hæstarétt
Inflúensan sækir í sig veðrið
Einn lést í sprengingu um borð í skipi Smyril Line