Hnífaárásin vegna ósættis og ágreinings

Mennirnir þrír sem voru handteknir í nótt vegna hnífaárásar í húsi á Kjalarnesi eru á fimmtugsaldri.

Þetta segir í tilkynningu frá lögreglunni á höfuðborgarsvæðinu.

Frétt af mbl.is

Sá særði hefur gengist undir læknisaðgerð

Tilkynning um málið barst skömmu fyrir klukkan eitt í nótt og var lögregla með mikinn viðbúnað. Sérsveit ríkislögreglustjóra var kölluð til. 

Segir í tilkynningunni að svo virðist sem ósætti og ágreiningur hafi komið upp hjá mönnunum og í framhaldinu var hnífi beitt.

Nokkrir hlutu áverka í árásinni, en einn þó sýnu verst og er sá alvarlega slasaður. 

Hinir handteknu eru allir á fimmtugsaldri, rétt eins og sá sem slasaðist mest.

Ekki er hægt að greina nánar frá málinu að svo stöddu.

• Blogga um frétt