Oddhvöss vopn reyndust vera billjardkjuðar
Setja bókamerki
Lögreglunni sem sinnir verkefnum í Kópavogi og Breiðholti var tilkynnt um einstakling í annarlegu ástandi með oddhvöss vopn meðferðis.
Lögreglan hafði uppi á honum og reyndist hann vera með tvo billjardkjuða. Vegna ástands hans var lagt hald á kjuðana en honum var tilkynnt að hann gæti nálgast þá þegar ástand hans yrði skárra.
Sprengdu flugeld inni í sameign
Lögreglunni í sama umdæmi var tilkynnt um hóp ungmenna sem hafði sprengt flugeld inni í sameign og olli það minniháttar tjóni.
Einnig var tilkynnt um líkamsárás í sama umdæmi. Einn var handtekinn á vettvangi og er málið í rannsókn, að því er segir í dagbók lögreglunnar á höfuðborgarsvæðinu vegna verkefna frá klukkan 17 í gær til kl. 5 í morgun. Alls eru 35 mál bókuð í kerfum lögreglunnar á tímabilinu. Eitthvað var um tilkynningar um ungmenni að fara óvarlega með flugelda.
Stal vegabréfum og greiðslukortum
Lögreglunni á Hverfisgötu í Reykjavík var tilkynnt um þjófnað á vegabréfum og greiðslukortum. Við rannsókn málsins fundust verðmætin og einn var kærður, grunaður um þjófnað og húsbrot.
Ökumaður í umdæmi lögreglunnar í Hafnarfirði og Garðabæ var stöðvaður vegna hraðaksturs. Hann mældist á 128 km hraða þar sem leyfilegur hámarkshraði er 80 km/klst.
Lögreglunni á Vínlandsleið barst tilkynning um laus hross. Leit bar ekki árangur.
„Engin auðveld leið“ til að takast á við netsvik
Aldrei fleiri útlendingar afplánað dóm á Íslandi
Sannfærð um að „gullmolar“ leynist í tillögunum
Mesta vatnshæð frá upphafi mælinga
Liggur þungt haldinn á gjörgæsludeild
„Ýmislegt fleira sem kemur í ljós á næstu vikum“
Hljóta að sjá að ekki sé hægt að stoppa þetta
