„Hún sat þarna hin rólegasta, kannski þremur metrum frá okkur og leyfði okkur að mynda sig í bak og fyrir,“ segir Kristjana Þórdís Jónsdóttir, íbúi í Jóruseli, sem varð vör við uglu fyrir utan gluggann hjá sér rétt eftir miðnætti í gærnótt.

Kristjana segir að hún hafi aldrei áður séð uglu í hverfinu og því hafi þetta vakið sérstaka eftirtekt heimilisfólksins.

Ótrúlega krúttleg

„Hún var alveg ótrúlega krúttleg, var bara þrjá metra frá mér og ég starði í augun á henni á milli þess sem hún snéri hausnum. Hún var ekkert hvekkt. Við fórum fram og til baka í þremur gluggum og tókum myndir af henni en hún sat sem fastast,“ segir Kristjana.

Uglan var á brott í morgun og svo virðist sem hávaðinn úr flugeldunum frá kvöldinu áður hafi ekki haft þau áhrif að uglan héldi sig fjarri mannabyggð. Þá hafa verið framkvæmdir í holtinu á milli Seljahverfis og Kópavogs þar sem staðið er að lagningu nýs vegar.

Sjálf segist Kristjana engin sérstök fuglaáhugamanneskja en telur að hún hefði tekið eftir uglu ef hún hefði látið á sér kræla áður í hverfinu.

„Ég er að því minnsta engin næturbröltari eins og uglur en ég held ég hefði nú tekið eftir því ef hún hefði verið hér áður,“ segir Kristjana.

Tengdar fréttir

Krúttleg dýr

Íslenski fjárhundurinn viðurkenndur í Bretlandi

• 8 ára drengur bjargaði kettlingi frá kattaníðingum
• Fengu óvæntan gest inn um strompinn
• Fíllinn sem fann sig ekki með eigin kyni
• Diegó er fundinn

» Fleiri tengdar fréttir

• Blogga um frétt