Karlmaður var dæmdur í átta mánaða skilorðsbundið fangelsi í Héraðsdómi Reykjaness fyrir kynferðislega áreitni gegn 7-8 ára gamalli systurdóttur sinni. Einnig var honum gert að greiða milljón kr. í miskabætur og 677 þúsund kr. í sakarkostnað.

Atvikið sem um ræðir gerðist árið 2021. Er maðurinn sagður í dómi hafa snert læri stúlkunnar og látið hana snerta beran getnaðarlim sinn.

Maðurinn játaði háttsemi sína undanbragðalaust og féllst á bótaskyldu auk þess að samþykkja þá fjárhæð sem krafa var gerð um.

Maðurinn hafði til þessa hreint sakavottorð. Fram kemur að fullnustu refsingar verði frestað og mun hún falla niður að liðnum tveimur árum ef hann heldur almennt skilorð.

Tengdar fréttir

Kynferðisbrot

Háttsemin fól í sér misnotkun á líkama stúlkunnar

• Braut gegn barni sem svaf
• Refsing leigubílstjóra fyrir kynferðisbrot milduð
• Gekk inn í kvennaklefa og áreitti unglingsstúlku
• Níðingar nálgast börn í gegnum Playstation

» Fleiri tengdar fréttir

• Blogga um frétt