Jón Gunnarsson, fyrsti varaþingmaður Sjálfstæðisflokksins í Suðvesturkjördæmi, mun taka sæti á Alþingi þegar Bjarni Benediktsson afsalar sér þingmennsku. Hann segir ekki gleðiefni að taka við þingsætinu undir þessum kringumstæðum.

„Ég að sjálfsögðu tek þetta sæti,“ segir Jón í samtali við mbl.is og heldur áfram:

„Þetta eru auðvitað gríðarleg tímamót og það er í mínum huga ekkert gleðiefni að ég skuli vera að taka við þessu sæti af því að Bjarni hverfur af vettvangi. Við erum búnir að vera saman núna í tæp átján ár á þingi og höfum átt farsælt og gott samstarf. Hann er að mínu mati yfirburðamaður á þinginu og mikil eftirsjá að honum.“

Frétt af mbl.is

Bjarni hættir á þingi og fer ekki í formannskjör

Ekki leitt hugann að framboði

Jón Gunn­ars­son var fimmti maður á lista Sjálf­stæðis­flokks­ins í kosn­ing­un­um í nóv­em­ber og er hann þar af leiðandi fyrsti varaþingmaður sjálf­stæðismanna þar sem flokk­ur­inn fékk fjóra menn kjörna í kjör­dæm­inu.

Bjarni greindi frá því í færslu á Facebook fyrr í dag að hann myndi hætta á þingi og myndi ekki bjóða sig fram til formennsku í Sjálfstæðisflokknum á næsta landsfundi. Til stendur að halda landsfund í lok febrúar.

Kemur til greina af þinni hálfu að bjóða þig fram í eitt af þremur forystuembættum flokksins? [Formann, varaformann eða ritara]

„Það hefur verið nefnt en ég hef ekki leitt hugann að því máli,“ segir Jón. 

Tengdar fréttir

Alþingi

Með lögheimili í Lokinhamradal og aldrei búið þar

• Hefði komið meira á óvart hefði hann tekið slaginn
• Sigmundur og Þorgerður tóku minnst þátt
• Ríkisstjórnin leggur nýtt gjald á nikótínvörur
• Næstu skref þingforseta óráðin

» Fleiri tengdar fréttir

Bjarni hættir

Fylgist spennt með því hver tekur við af Bjarna

• Hefði viljað fá að starfa með Bjarna
• „Einn fremsti stjórnmálamaður sem við höfum átt“
• Veðbankar blanda sér í formannsslaginn
• Tekur ekki ákvörðun á þessum tímapunkti

» Fleiri tengdar fréttir

• Blogga um frétt