Þorgerður Katrín í heimsókn í Úkraínu

Þorgerður Katrín Gunnarsdóttir utanríkisráðherra er stödd í vinnuheimsókn í Úkraínu þar sem hún fundar með ráðamönnum.

Þetta kemur fram í tilkynningu frá utanríkisráðuneytinu en þar segir að Þorgerður muni árétta stuðning Íslands við varnarbaráttu Úkraínu og kynna sér stöðu mála.

Utanríkisráðherra átti fund með Andrii Sybiha, utanríkisráðherra Úkraínu, fyrr í dag og frekari fundir eru fyrirhugaðir.

Þorgerður Katrín utanríkisráðherra er stödd í Úkraínu. Ljósmynd/Utanríkisráðuneytið

„Ég átti frábæran fund með Andrii Sybiha utanríkisráðherra Úkraínu í dag þar sem ég er nú í minni fyrstu heimsókn sem utanríkisráðherra. Við ræddum áskoranirnar framundan í ljósi áframhaldandi árásarstríðs Rússa og hvernig Ísland getur best stutt við Úkraínu,“ segir Þorgerður Katrín á Instagram.

• 1 blogg um fréttina

Bloggað um fréttina

• Páll Vilhjálmsson: Þorgerður Katrín gekk í gildru Selenskí, ekki ráðgjafi Trump