Þjónustuskerðingar vegna samkomutakmarkana teknar til baka

Strætó hefur ákveðið að taka skerðingar frá tímum samkomutakmarkana til baka. Ástæða þess að ekki var hægt að koma þjónustunni fyrr í sama horf og fyrir faraldur var fjárhagsstaða sveitarfélaganna á höfuðborgarsvæðinu. 

Þetta segir Jó­hann­es Svavar Rún­ars­son, fram­kvæmda­stjóri Strætó bs., í samtali við mbl.is.

Breytingarnar fela í sér að þjónustutími á kvöldin verður lengdur á mörgum leiðum​. Leiðir 19 og 24 verða á 15 mínútna tíðni á annatíma í stað 30 mínútna tíðni​ og leið 6 verður á 10 mínútna tíðni á annatíma í stað 15 mínútna.

Frétt af mbl.is

Skerðingar hjá Strætó vegna smita

Fjármunir voru ekki til staðar

Af hverju var beðið svona lengi með að koma þjónustunni í sama horf og fyrir covid?

„Það er bara fjárhagsstaða sveitarfélaga, eigenda Strætó,“ segir Jóhannes en eigendur Strætó eru sveitarfélögin á höfuðborgarsvæðinu. 

Hann segir að það hafi einfaldlega ekki verið fjármunir til staðar til að vera með sömu þjónustu og fyrir covid.

Frétt af mbl.is

Strætó hættir að veita frítt net í vögnunum

Þjónustuaukning í samræmi við samgöngusáttmálann

Ótengd skerðingum vegna covid þá er einhver þjónustuaukning á þessu ári sökum uppfærðs samgöngusáttmála.

Leiðir 3, 5 og 12 verða á 10 mínútna tíðni á annatíma í stað 15 mínútna og á 15 mínútna tíðni virka daga milli annatíma í stað 30 mínútna.​

Leið 21 verður á 15 mínútna tíðni á annatíma í stað 30 mínútna.

Jóhannes segir að endanleg ákvörðun um hvenær þjónustuaukning komi til framkvæmda hafi ekki verið tekin. 

• Blogga um frétt