Hátt í hundrað jarðskjálftar hafa mælst í Bárðarbungu frá því kröftug hrina hófst þar upp úr klukkan 6 í morgun. Hrinan þykir minna á aðdraganda eldgosa árin 1996 og 2014.

Stærsti skjálftinn til þessa hefur mælst 4,9 að stærð og sá næststærsti 4,4.

Þá hafa fleiri tugir skjálfta mælst yfir 3 að stærð.

„Þetta er búin að vera mjög öflug hrina og minnir um margt á byrjun eldgosanna í Gjálp 1996 og í Holuhrauni 2014,“ segir Benedikt Gunnar Ófeigsson, fagstjóri aflögunarmælinga hjá Veðurstofu Íslands, í samtali við mbl.is.

Frétt af mbl.is

Öflug skjálftahrina í Bárðarbungu

Virðist vera í rénun

„Hrinan virðist vera í rénun en við verðum bara að bíða átekta og sjá hvernig þetta þróast og hvað þetta þýðir,“ segir hann.

Hann segir að engin önnur fordæmi sé fyrir álíka hrinu nema þá í aðdraganda gosanna í Gjálp og í Holuhrauni. Í báðum þessum gosum hófst skjálftahrina í Bárðarbungu.

Gæti þessi atburðarás verið undanfari eldgoss?

„Það er ekkert útilokað. Virknin virðist vera að detta niður en það er of snemmt að spá einhverju um framhaldið. Við fylgjumst vel með en við þurfum að gera ráð fyrir að þetta geti endað með gosi.“

Frétt af mbl.is

„Þetta er ansi öflug hrina“

Töluverð kvika safnast fyrir

Benedikt segir að töluverð kvika hafa safnast fyrir en hún sé þó aðeins hluti af þeirri kviku sem fyrir var þegar gaus síðast.

Höfum við séð álíka virkni í Bárðarbungu án þess að til goss komi?

„Ég er ekki viss um hvort við höfum fengið svona stórar hrinur. Það hafa oft komið stórir skjálftar en yfirleitt hefur virknin hætt fljótlega á eftir.“

Frétt af mbl.is

Myrkur gæti varað klukkustundum saman ef gýs

Tengdar fréttir

Bárðarbunga

Skjálfti nærri Kötlu minnir á stærð Bárðarbungu

• Hátt í tuttugu yfir 3 að stærð: Sá stærsti 5,1
• Lögreglan virkjar viðbragðsáætlun
• Óvenjuleg og hröð atburðarás sem kemur á óvart
• Engin tengsl á milli hlaupsins og hrinunnar

» Fleiri tengdar fréttir

• Blogga um frétt