Stálu reiðufé og vegabréfum úr herbergi ferðamanna

Fjórir voru handteknir eftir að tilkynnt var um innbrot í herbergi ferðamanna en þar var eigum þeirra stolið ásamt reiðufé og vegabréfum. Fjórmenningarnir gista allir í fangageymslu þar til hægt verður að yfirheyra þá.

Þetta kemur fram í dagbók lögreglunnar á höfuðborgarsvæðinu vegna verkefna frá klukkan 17 í gær til klukkan 5 í morgun. Alls er 51 mál bókað í kerfum lögreglu á tímabilinu og fimm gista fangageymslur í morgunsárið.

Tilkynnt um eignaspjöll á kaffihúsi en þar hafði rúða í inngangshurð verið brotin. Lögregla telur að þarna hafi verið um tilraun til innbrots sem ekki hafi tekist.

Lögreglustöð 3, sem sinnir verkefnum í Kópavogi og Breiðholti, var kölluð til vegna líkamsárásar. Þar höfðu tveir menn ráðist á einn sem var í göngutúr. Hótuð þeir manninum með vopnum og létu sig svo hverfa af vettvangi. Lögreglan er með málið til rannsóknar.

Lögreglunni barst tilkynning um mann sem var að brjótast inn í bifreiðar. Þegar lögregla kom á staðinn reyndi maðurinn að flýja en laganna verðir hlupu hann uppi.

Þá var tilkynnt um þjófnað í þremur verslunum og voru málin afgreitt á vettvangi.

• Blogga um frétt