Hvössum vindi er spáð í dag og á morgun. Ferðalöngum er ráðlagt að kanna aðstæður á vegum hjá Vegagerðinni áður en lagt er af stað og kynna sér veður og veðurspá.

„Fyrir suðvestan land er lægðasvæði og skil frá því liggja til norðausturs. Hvöss norðaustanátt og snjóar víða í dag, einkum um norðan- og austanvert landið. Eftir hádegi dregur úr ofankomunni, þá verða norðaustan 18-23 m/s norðvestantil á landinu, en hægari vindur annars staðar,“ segir í hugleiðingum veðurfræðings hjá Veðurstofu Íslands. 

Á morgun má jafnvel gera ráð fyrir stormi eða roki syðst á landinu.

„Skilin hreyfast lítið og það er áfram spáð nokkuð hvössum vindi á morgun, jafnvel stormi eða roki syðst á landinu. Slydda, rigning eða snjókoma með köflum. Hiti kringum frostmark, en gæti skriðið yfir 5 gráður við suðurströndina þegar best lætur.“

Ekki er útlit fyrir óveður á höfuðborgarsvæðinu.

Veðurvefur mbl.is.

Tengdar fréttir

Veður

Vegir lokaðir og margir á óvissustigi

• Von á talsverðu hríðarveðri: Vegir munu teppast
• Varar við að ísing geti myndast á blautum vegum
• Veður fer kólnandi
• Gular viðvaranir taka gildi eftir hádegi

» Fleiri tengdar fréttir

• Blogga um frétt