Varðskipið Freyja er á leið austur vegna snjóflóðahættu í Neskaupstað og á Seyðisfirði.

Veðurstofa Íslands lýsti yfir óvissustigi á Austfjörðum vegna snjóflóðahættu og taka rýmingar gildi á stöðunum klukkan 18.

Ásgeir Erlendsson, upplýsingafulltrúi Landhelgisgæslunnar, segir við mbl.is að varðskipið hafi verið fyrir norðaustan land en í samráði við lögregluna á Austfjörðum hafi verið ákveðið að senda skipið til að vera til taks.

Hann segir að varðskipið verði komið á leiðarenda á milli klukkan 22-23 í kvöld en ekki sé endanlega búið að taka ákvörðun um hvort skipið verði staðsett á Seyðisfirði eða í Neskaupstað.

Hann segir að það verði gert þegar nær dregur í samráði við lögreglu.

Frétt af mbl.is

Rýmingar í Neskaupstað og á Seyðisfirði

Frétt af mbl.is

Fjöldahjálpastöðvar opnaðar

Tengdar fréttir

Veður

Svona liggja rýmingarsvæðin

• 140 þurfa að yfirgefa heimili sín
• Fjöldahjálpastöðvar opnaðar
• Rýmingar í Neskaupstað og á Seyðisfirði
• Appelsínugul viðvörun á Austurlandi og Austfjörðum

» Fleiri tengdar fréttir

• Blogga um frétt