Gerir ráð fyrir að nefndin fundi daglega
Setja bókamerki
Undirbúningsnefnd fyrir rannsókn kosninga kemur saman á morgun og mun halda áfram umfjöllun um einstaka kafla umsagnar landskjörstjórnar um framkvæmd alþingiskosninganna.
Þetta upplýsir Dagur B. Eggertsson, þingmaður Samfylkingarinnar og formaður nefndarinnar.
Þurfa að endurskoða framkvæmd utankjörfundaratkvæðagreiðslu
Umsögninni var skilað til Alþingis á miðvikudag og þar kom fram að nokkrir annmarkar hefðu verið á framkvæmd kosninganna.
„Landskjörstjórn telur brýnt að endurskoða með heildstæðum hætti framkvæmd utankjörfundaratkvæðagreiðslu, bæði hér heima og erlendis, sérstaklega með það í huga að gera hana skilvirkari og öruggari í framkvæmd,“ segir m.a. í umsögn landskjörstjórnar.
Gerir ráð fyrir daglegum fundum
Undirbúningsnefndin fundaði með landskjörstjórn á föstudag og fékk yfirumferð um umsögnina.
Segist Dagur gera ráð fyrir daglegum fundum sem meginreglu þar til nefndin klárar verkefni sitt en segir tímaáætlun þó ekki liggja fyrir.
Appelsínugul viðvörun á Austurlandi og Austfjörðum
Rúta valt á Hellisheiði
Vara við aukinni snjóflóðahættu á Austfjörðum
Orðið lúxusvandamál að velja lögin
Vopnahléi frestað
Rífur upp alls konar minningar
Frekari rýming á Seyðisfirði