Eng­ar for­send­ur eru fyr­ir því að hægja á eða seinka þeim und­ir­bún­ings­fram­kvæmd­um Hvamms­virkj­un­ar sem þegar eru komn­ar af stað.

Þetta segja Har­ald­ur Þór Jóns­son, odd­viti Skeiða- og Gnúp­verja­hrepps, og Eggert Val­ur Guðmunds­son, odd­viti Rangárþings Ytra, í til­kynn­ingu sem þeir sendu fjöl­miðlum í kvöld. 

Héraðsdóm­ur Reykja­vík­ur hef­ur ógilt leyf­is­veit­ingu sem Orku­stofn­un veitti Lands­virkj­un í fyrra til þess að reisa raf­orku­verið Hvamms­virkj­un. Þá ógilti dóm­ur­inn einnig heim­ild Um­hverf­is­stofn­un­ar til þess að breyta vatns­hlot­inu Þjórsá 1.

Frétt af mbl.is

Vinnu­ein­ing­ar með eins kon­ar kenni­tölu

Eggert Val­ur Guðmunds­son, odd­viti Rangárþings Ytra (t.v.) og Har­ald­ur Þór Jóns­son, odd­viti Skeiða- og Gnúp­verja­hrepps (t.h.). Sam­sett mynd

Eng­ar fram­kvæmd­ir fyr­ir­hugaðar í ár

Odd­vit­arn­ir benda á eng­ar fram­kvæmd­ir séu fyr­ir­hugaðar í ár­far­vegi Þjórsár í ár og því séu eng­ar fram­kvæmd­ir fyr­ir­hugaðar á þessu ári sem hafi áhrif á vatns­hlot Þjórsár.

„Skeiða- og Gnúp­verja­hrepp­ur og Rangárþing Ytra veittu fram­kvæmda­leyfi til bygg­ing­ar Hvamms­virkj­un­ar í októ­ber 2024. Fram­kvæmda­leyfið er í fullu gildi. Í fram­kvæmda­leyf­inu voru ít­ar­leg skil­yrði sett fyr­ir fram­kvæmd­inni. Lands­virkj­un mun þurfa að upp­fylla fjöl­mörg skil­yrði sem koma fram í greina­gerð sem ligg­ur til grund­vall­ar fram­kvæmda­leyf­inu áður en heim­ild er veitt til þess að hefja fram­kvæmd­ir í ár­far­vegi Þjórsár og breyta vatns­hlot­inu. Eng­ar fram­kvæmd­ir eru fyr­ir­hugaðar í ár­far­vegi Þjórsár á ár­inu 2025 og því eng­ar fram­kvæmd­ir fyr­ir­hugaðar á þessu ári sem hafa áhrif á vatns­hlot Þjórsár,“ seg­ir í til­kynn­ing­unni. 

Næg­ur tími fyr­ir ráðherra

Jó­hann Páll Jó­hanns­son, um­hverf­is-, orku- og lofts­lags­ráðherra, hyggst leggja fram frum­vörp skjótt eft­ir þing­setn­ingu til þess að greiða fyr­ir fram­kvæmd­um við Hvamms­virkj­un og ein­falda reglu­verk vegna orku­öfl­un­ar.

Frétt af mbl.is

Boðar frum­vörp um virkj­an­ir

Har­ald­ur Þór og Eggert Val­ur segja næg­an tíma fyr­ir ráðherra til að leggja frum­vörp­in fram. Eng­ar for­send­ur séu fyr­ir því að hægja á eða seinka und­ir­bún­ings­fram­kvæmd­um.

„Í ljósi þess að eng­ar fram­kvæmd­ir séu fyr­ir­hugaðar á ár­inu 2025 í ár­far­vegi Þjórsár er næg­ur tími fyr­ir um­hverf­is-, orku- og lofts­lags­ráðherra að leggja fram boðaðar breyt­ing­ar á lög­um um vatna­mál á kom­andi þingi og Alþingi að tryggja það að heim­ilt sé að byggja virkj­an­ir sem eru samþykkt­ar í nýt­ing­ar­flokki ramm­a­áætl­un­ar. Eng­ar for­send­ur eru fyr­ir því að hægja á eða seinka þeim und­ir­bún­ings­fram­kvæmd­um Hvamms­virkj­un­ar sem eru komn­ar af stað og eiga að standa yfir á þessu ári.“

Tengd­ar frétt­ir

Hvamms­virkj­un

Stærri hluti til nærsam­fé­lags­ins

• Hvamms­virkj­un­ar­mál fer beint fyr­ir Hæsta­rétt
• Jó­hann Páll legg­ur fram frum­varp um Hvamms­virkj­un
• Verk boðin út við Hvamms­virkj­un
• Frum­varp um Hvamms­virkj­un af­greitt úr rík­is­stjórn

» Fleiri tengd­ar frétt­ir

• Blogga um frétt