Arna McClure mun enn sæta rannsókn

Landsréttur hefur staðfest úrskurð Héraðsdóms Reykjavíkur um að rannsókn héraðssaksóknara á Örnu McClure, fyrrverandi yfirlögfræðingi Samherja, verði ekki felld niður.

Héraðsdómur Reykjavíkur úrskurðaði í málinu 19. desember 2024, en Arna skaut málinu til Landsréttar með kæru þann 20. desember.

Úrskurðurinn var staðfestur þriðjudaginn 7. janúar en birtist í dag.

Frétt af mbl.is

Leitar til dómstóla í annað sinn

Ekki ástæða til að efa óhlutdrægni starfsmanna

Í úrskurðinum segir að Arnar hafi reist kröfu sína einkum á tveimur málsástæðum, annars vegar þeirri að saksóknari við embætti héraðssaksóknara hefði verið vanhæfur til að annast rannsókn málsins og hins vegar að óhæfilegur dráttur hefði orðið á meðferð þess við embættið.

Landsréttur féllst á með héraðsdómi að gögn sem Arna lagði fram til stuðnings fyrri málsástæðu sinni breyttu engu í niðurstöðu Landsréttar um að ekki væri ástæða til að draga í efa óhlutdrægni starfsmanna héraðssaksóknara við rannsóknina.

Rannsókn staðið yfir í um fimm ár

Hvað varðar síðari málsástæðu Örnu þá vísaði Landsréttur til þess að rannsókn málsins hefði staðið yfir í um fimm ár og að af fyrirliggjandi gögnum yrði ráðið að málið væri umfangsmikið.

Einnig þótti ekki séð að á rannsókn málsins hefðu orðið verulegar eða óeðlilegar tafir svo að það færi í bága við fyrirmæli laga um meðferð sakamála og úrskurðurinn því staðfestur. 

Arna hef­ur nú haft rétt­ar­stöðu sak­born­ings í tæp fimm ár í rann­sókn héraðssak­sókn­ara vegna meintra brota Sam­herja í Namib­íu.

Hún hefur áður haft uppi kröfu um niðurfellingu rannsóknar málsins á sama grunni sem var hafnað með úrskurði Landsréttar. 

Frétt af mbl.is

Landsréttur hafnaði kröfu Örnu

• Blogga um frétt