Kennarar segja viðhorf launagreiðenda í kjaraviðræðum ekki aðeins birtast sem virðingarleysi við kennarastéttina í heild, heldur einnig sem virðingarleysi við hlutverk kennarastéttarinnar. Krafa kennara um samkomulag frá árinu 2016, um jöfnun launa, stendur óhögguð.

Þetta er meðal þess sem kemur fram í ályktun sem samninganefndir allra aðildarfélaga Kennarasambands Íslands sendu frá sér fyrir skömmu. Samninganefndirnar funduðu í dag til að fara yfir stöðuna í kjaradeilunni, sem er öll í hnút. 

Frétt af mbl.is

„Það þarf einhverja viðhorfsbreytingu“

Skora á ríkisstjórnina að standa við loforð

Lýsa kennarar yfir miklum vonbrigðum með stöðuna í viðræðunum við ríki og sveitarfélög og skora á ríkisstjórnina að standa við orð sín í aðdraganda kosninga og leiða leiða deiluna til lykta.​

„Skýrar vísbendingar liggja fyrir um kerfislægan og ómálefnalegan mun á launum sérfræðinga í fræðslustarfsemi á opinberum markaði og sérfræðinga á almennum markaði. Í samkomulagi frá 2016 liggja fyrir loforð opinberra launagreiðenda um að jafna þennan mun á 6 til 10 árum,“ segir í ályktuninni. 

Frétt af mbl.is

Boðar ekki fund og verkföll fram undan að óbreyttu

Viðhorfið birtist sem virðingarleysi

Samninganefndir allra aðildarfélaga hafi lýst því yfir í yfirstandandi kjaraviðræðum að það væri algjört forgangsatriði að við þetta yrði staðið. 

„Þannig verði kjarasamningar allra félaga að innibera skuldbindingu launagreiðenda og áætlun um hvernig jöfnun launa skuli náð á næstu árum. Þessi krafa stendur enn óhögguð,“ ​segir þar einnig.

„Viðhorf launagreiðenda í kjaraviðræðunum birtist ekki aðeins sem virðingarleysi við kennarastéttina í heild heldur einnig sem virðingarleysi við hlutverk kennarastéttarinnar sem er að tryggja börnum okkar bestu menntun sem völ er á."

Frétt af mbl.is

Boðar allar samninganefndirnar á fund

Segir kennara þurfa að slá af kröfum sínum

Inga Rún Ólafs­dótt­ir, formaður samn­inga­nefnd­ar Sam­bands ís­lenskra sveit­ar­fé­laga, sagði í sam­tali við mbl.is í gær að viðhorfs­breyt­ingu þyrfti hjá kenn­ur­um til að hægt væri að setj­ast aft­ur að samn­inga­borðinu.

Sveit­ar­fé­lög­in hefðu teygt sig eins langt og þau gætu til að koma til móts við kenn­ara, en þeir yrðu að slá af launakröf­um sín­um ættu samn­ing­ar að nást.

Síðasti fund­ur samn­inga­nefnd­a kennara, ríkis og sveitarfélaga var á miðviku­dag og var þá reynt til þraut­ar að finna ein­hvern grund­völl til frek­ara sam­tals. Rík­is­sátta­semj­ari sagði það ekki hafa tek­ist og því sæi hann ekki til­efni til að boða til fund­ar að svo stöddu.

Að öllu óbreyttu hefjast verkfallsaðgerðir kennara á ný mánudaginn 3. febrúar.

Tengdar fréttir

Kjaraviðræður

Tillögu um styttri kjarasamning ekki svarað

• Boðar allar samninganefndirnar á fund
• „Það þarf einhverja viðhorfsbreytingu“
• Kennarar hafi ekki svarað foreldrum
• Stefnan foreldrum „til skammar og minnkunar“

» Fleiri tengdar fréttir

• Blogga um frétt