Kjaradeila kennara, ríkis og sveitarfélaga er öll í hnút og eins staðan er í dag er ólíklegt að samningar náist fyrir mánaðamót.

Að öllu óbreyttu má því gera ráð fyrir því að verkfallsaðgerðir kennara hefjist á ný þann 1. febrúar.

Verkföll hafa verið boðuð í fjórtán leikskólum og sjö grunnskólum. Þá hefur Félag framhaldsskólakennara gefið út að farið verði í atkvæðagreiðslu um ótíma­bund­in verk­föll í nokkr­um fram­halds­skól­um, eft­ir að friðarskyldu lýk­ur um mánaðamót­in.

Ótímabundnar verkfallsaðgerðir hefjast aftur 1. febrúar á þeim fjórum leikskólum þar sem kennarar voru í verkföllum fyrir áramót: 

• Leikskóla Seltjarnarness 
• Holti í Reykjanesbæ
• Drafnarsteini í Reykjavík
• Ársölum á Sauðárkróki

Þá verður farið ótímabundnar aðgerðir í eftirfarandi tíu leikskólum til viðbótar:

• Leikskóla Snæfellsbæjar
• Hulduheimum Akureyri
• Höfðabergi í Mosfellsbæ
• Lundabóli í Garðabæ
• Lyngheimum í Reykjavík
• Lyngholti í Reykjavík
• Óskalandi í Hveragerði
• Rauðhóli í Reykjavík
• Stakkaborg í Reykjavík
• Teigaseli á Akranesi

Á sama tíma hefjast tímabundnar verkfallsaðgerðir í sjö grunnskólum.

Verkföllum í þremur grunnskólum var frestað með friðarskyldu í lok nóvember, en þær aðgerðir hefjast aftur 1. febrúar og standa til 21. febrúar. Skólarnir eru eftirtaldir:

• Árbæjarskóli í Reykjavík
• Garðaskóli í Garðabæ
• Heiðarskóli í Reykjanesbæ

Verkföll í eftirtöldum grunnskólum standa frá 1. febrúar til 26. febrúar: 

• Egilsstaðaskóla á Egilsstöðum
• Engjaskóla í Reykjavík
• Grundaskóla á Akranesi
• Lindaskóla í Kópavogi

Tengdar fréttir

Kjaraviðræður

Leggur fram innanhústillögu í kjaradeilu kennara

• Staðan þungbær og veldur vonbrigðum
• Skorið úr um lögmæti aðgerða á föstudag
• Stefna á úrslitatilraun til að höggva á hnútinn
• Aðalmeðferð í máli foreldra gegn KÍ hafin í héraði

» Fleiri tengdar fréttir

• Blogga um frétt