Björn Gíslason borgarfulltrúi Sjálfstæðisflokksins hyggst leggja það fyrir borgarstjórn að meta kostnað við sviðsmyndir tengdar framtíð vöruhússins við Álfabakka.

Tillögunni er ætlað að tryggja faglegt og heildstætt mat á mögulegum lausnum varðandi stálgrindarhúsið.

Frétt af mbl.is

Gögn sýna mikil samskipti við borgina

Sjálfstæðisflokkurinn leggur ríka áherslu á að framkvæmdir verði stöðvaðar tafarlaust á meðan kostnaðarmat og vinna við farsæla lausn fer fram. 

Björn Gíslason borgarfulltrúi Sjálfstæðisflokksins flytur tillögu þess efnis á fundi borgarstjórnar á þriðjudaginn í næstu viku.

Frétt af mbl.is

Ófyrirsjáanlegt tjón blasir við

Í tillögunni, sem Morgunblaðið hefur undir höndum, er lagt til að eftirtaldar sviðsmyndir verði metnar: Flutningur húsnæðisins á aðra hentuga lóð, sem ekki er í miðri íbúðabyggð, ásamt öllum tilheyrandi kostnaði, svo sem bótagreiðslum, byggingarréttargjöldum, flutnings- og lögfræðikostnaði; finna vöruhúsinu næst íbúðablokkinni annan stað; óbreytt ástand þar sem húsið stendur áfram á núverandi stað, með tilliti til málaferla og lögfræðikostnaðar tengds þeim, hugsanlegra bótagreiðslna og áhrifa á umhverfið og nágrenni; breytingar á húsnæðinu sem miða að því að lágmarka áhrif þess á umhverfið og lífsgæði íbúa í nágrenninu; aðrar sviðsmyndir sem unnt er að leggja fram til lausnar málinu.

Lesa má meira um málið í Morgunblaðinu í dag

Tengdar fréttir

Vöruhús við Álfabakka 2

Gögn sýna mikil samskipti við borgina

• Ófyrirsjáanlegt tjón blasir við
• Flóttafólk vegna skipulagsklúðurs
• Samþykktu tillögu um að fjarlægja vöruhúsið
• Skoðað hvort hægt sé að laga

» Fleiri tengdar fréttir