Óvissustigi hefur verið lýst yfir á sunnanverðum Austfjörðum vegna ofanflóðahættu en hætta er á krapaflóðum og votum snjóflóðum á svæðinu. 

Þetta kemur fram í tilkynningu frá lögreglunni á Austurlandi. 

Viðbúnaður hefur verið aukinn á tilteknum svæðum á Fáskrúðsfirði og á Stöðvarfirði. 

Íbúar í Ljósalandi ofan Vattarnesvegar á Fáskrúðsfirði og íbúar Borgargerði 2 og Fjarðarbraut 56 á Stöðvarfirði eru beðnir um að dvelja ekki í herbergjum með glugga sem snúa upp í hlíðar á jarðhæð eða í kjöllurum. 

Í tilkynningunni segir að lögregla muni heimsækja íbúa í ofangreindum húsum og vekja athygli þeirra á varúð sem rétt er að sýna á meðan óvissustig varir. 

Íbúar á Austfjörðum eru hvattir til að sýna aðgæslu nærri vatnsfarvegum þar sem krapaspýjur geta borist niður. 

Tengdar fréttir

Veður

Hálkuvarnir haldast illa á göngustígum

• Björguðu fjúkandi gróðurhúsi
• Spáin að ganga eftir: Stormur, rigning og asahláka
• Varað við snörpum vindhviðum
• Vegurinn um Súðavíkurhlíð opnaður á ný

» Fleiri tengdar fréttir

• Blogga um frétt