„Það eru allir aðilar málsins hundfúlir yfir þessari tillögu. Það finnst þetta öllum ómögulegt,“ segir Ástráður Haraldsson ríkissáttasemjari heldur mæðulega yfir símann í samtali við blaðamann mbl.is.

Ástráður lagði fram svokallaða innahústillögu í kjara­deilu kenn­ara, rík­is og sveit­ar­fé­laga í gær.

Til­lag­an fel­ur meðal ann­ars í sér að deila um jöfn­un launa á milli markaða verði út­kljáð með virðismati og ver­káætl­un til 20 mánaða.

Þar sem ekki er um miðlun­ar­til­lögu að ræða fer hún ekki beint í at­kvæðagreiðslu hjá fé­lags­fólki Kenn­ara­sam­bands Íslands.

Frétt af mbl.is

Svona er tillaga sáttasemjara: Hafa fram á laugardag

Tíð hinna reykfylltu bakherbergja komin aftur

Um er að ræða til­lögu til samn­inga­nefnd­anna um það hvernig kjara­samn­ing­ur í heild sinni gæti litið út. Ef tillagan verður samþykkt und­ir­rita aðilar og þar með er kom­inn á kjara­samn­ing­ur og friðarskylda. Til­lag­an gengi svo til at­kvæða.

Segir Ástráður að nú sé aftur komin tíð hinna reykfylltu bakherbergja. Menn séu að tala sig saman og að það verði bara að eiga sinn tíma. Tíminn er þó af skornum skammti enda hafa samn­inga­nefnd­irn­ar einungis tíma til klukk­an 13 á morgun til að taka af­stöðu til til­lög­unn­ar.

Frétt af mbl.is

Leggur fram innanhústillögu í kjaradeilu kennara

Telur á sér tærnar

„Sjálfsagt er fólk örugglega eitthvað að hittast eða tala saman í síma en við verðum bara að sjá hvað verður á morgun. Þangað til sit ég bara hér og tel á mér tærnar og bíð eftir því hvað gerist,“ segir Ástráður.

Tengdar fréttir

Kjaraviðræður

Allir þurfa að vera jafn ósáttir

• „Eins og umboðsmanni barna sé alveg sama um það“
• Svona er tillaga sáttasemjara: Hafa fram á laugardag
• Kjaradeilum við Sorpu vísað til ríkissáttasemjara
• „Frumskylda mín að huga að börnunum mínum“

» Fleiri tengdar fréttir

• 1 blogg um fréttina

Bloggað um fréttina

• P.Valdimar Guðjónsson: Um það snúast kjarasamningar.