„Það stærsta sem ég hef séð í minni tíð“

Snjóflóð féll yfir þjóðveginn undir Ólafsvíkurenni í gærkvöldi.

Slökkviliðsstjóri Snæfellsbæjar, Svanur Tómasson, átti leið hjá fyrir tilviljun og sá flóðið falla um 300 metrum frá sér.

„Þetta var það stærsta sem ég hef séð í minni tíð,“ segir Svanur. mbl.is/Alfons

„Þetta var það stærsta sem ég hef séð í minni tíð. Það féll ásamt öðrum minni flóðum en þetta flóð fór yfir þjóðveginn út á Hellissand,“ segir Svanur í samtali við mbl.is.

Þá segir hann flóðið hafa verið á bilinu 4 til 5 metrar á hæð.

Svanur segir flóðið hafa verið á bilinu 4 til 5 metrar á hæð. mbl.is/Alfons

„Í morgun eftir alla næturrigninguna sýndist mér það hafa verið svona 4 metrar á hæð, þetta náttúrulega sígur um nóttina. Þykktin á því sem var ofan á veginum var svipað á hæð og flutningabíll þegar við fórum í gegnum það,“ segir Savnur.

Að sögn Svans er vegurinn nú opinn og allt komið í eðlilegt horf.

Frétt af mbl.is

Tvö snjóflóð féllu í Ólafsvík

Vegurinn er nú opinn og allt komið í eðlilegt horf. mbl.is/Alfons

• Blogga um frétt