Varað við sterkum vindhviðum
Það verður víða mjög hvasst á landinu í dag og Veðurstofa Íslands hefur gefið út appelsínugular og gular viðvaranir.
mbl.is/Kristinn Magnússon
Setja bókamerki
Það gengur í sunnan storm um austanvert landið í dag með hviðum víða yfir 35 m/s í vindstrengjum við fjöll, einkum frá Vík og austur á Egilsstaði.
Þetta kemur fram í tilkynningu frá veðurfræðingi Vegagerðarinnar á umferðin.is. Þar segir að hvass vindur verði og að blint verði í snjókomu með erfiðum akstursskilyrðum á heiðum um norðvestanvert landið í dag og fram á kvöld.
Í kvöld verður vindurinn suðvestlægari og hviður sums staðar yfir 40 m/s norðan til á landinu í vindstrengjum við fjöll, og jafnvel enn byljóttara um tíma í vindstrengjum í Eyjafirði og á utanverðum Tröllaskaga.
Veðurstofan hefur gefið út gular og appelsínugular veðurviðvaranir fyrir allt landið í dag og má víða búast við erfiðum akstursskilyrðum víða um land.
Sverri og Snorra gert að greiða 1,1 milljarð
Leiðum er lokað í Heiðmörk vegna vatnsverndar
„Leiðinleg og erfið staða“
Hlunnindin þarf að skoða betur
Djúpfalsanir búa til nýjar hættur
Bjóst ekki við að fá Grammy