„Hann hefur greinilega reiknað allt vitlaust“

Líf Magneudóttir segir augljóst að Einar Þorsteinsson borgarstjóri hafi eitthvað misreiknað sig er hann sleit meirihlutasamstarfi við Pírata, Samfylkinguna og Viðreisn í gær.

„Ég veit ekki hvað hann sá fyrir sér en hann hefur greinilega reiknað allt vitlaust.“

Sjáið þið tækifæri í því að ná Flokki fólksins á ykkar band og ná að mynda meirihluta á vinstri vængnum.

„Það er náttúrulega bara óskastaðan fyrir okkur Vinstri græn að starfa með flokkum sem eru vinstra megin í lífinu eðli málsins samkvæmt.“

Frétt af mbl.is

Vinstri menn bjóða upp í dans

Engin samleið með Sjálfstæðisflokkinn og Framsókn

Hún segir engar formlegar viðræður hafnar en að auðvitað séu allir að tala. VG og Sósíalistar gáfu einnig frá sér yfirlýsingu fyrr í dag og kváðust til­búin til viðræðna um mynd­un nýs meiri­hluta við þá sem deila þeirra sýn í borg­ar­mál­un­um.

Kveðst Líf útiloka samstarf milli VG og Framsóknar og Sjálfstæðisflokksins.

„Það er fullt af fólki þarna innanborðs sem ég get átt í góðu samstarfi við, en þegar þú tekur pakkann þá er hann bara ekki hagfelldur fyrir okkar málefnastöðu. Við eigum enga samleið. 

• Blogga um frétt