Hildur Björnsdóttir, leiðtogi Sjálfstæðisflokksins í borgarstjórn virðist eiga fáa kosti í tilraun til að mynda nýjan meirihluta. Hún er til svars á vettvangi Spursmála þegar sendur er út aukaþáttur í ljósi tíðindanna af vettvangi borgarinnar.

Þátturinn var sýndur í beinu streymi hér á mbl.is fyrr í dag en upptaka af honum er öllum aðgengileg í spilaranum hér að ofan, á Spotify og YouTube.

Tilraun sem rann út í sandinn

Um liðna helgi var tilraun gerð til þess að mynda nýjan meirihluta Sjálfstæðisflokks, Framsóknarflokks, Flokks fólksins og Viðreisnar.

Þær hugmyndir runnu út í sandinn þegar ljóst varð að Flokkur fólksins hefur útilokað samstarf við Sjálfstæðisflokkinn.

Hvaða meirihlutamynstur er þá í myndinni?

Hildur fer yfir stöðuna í Spursmálum í dag.

Áður en kemur að viðtalinu við hana mæta þeir á svæðið, álitsgjafarnir og reynsluboltarnir, Björn Ingi Hrafnsson, fyrrum oddviti Framsóknar í borgarstjórn og núverandi aðstoðarmaður formanns Miðflokksins og Gísli Freyr Valdórsson, stjórnandi Þjóðmála. Þeir eru gjörkunnugir því völundarhúsi sem valdamenn í borginni reyna nú að feta í átt að nýjum meirihluta.

Fylgist nánar með gangi mála hér á mbl.is.

Gísli Freyr Valdórsson og Björn Ingi Hrafnsson ræða stöðuna í borginni. Þá mætir Hildur Björnsdóttir, oddviti Sjálfstæðisflokksins í Reykjavíkurborg og lýsir stöðunni eins og hún blasir við henni. mbl.is/samsett mynd

Tengdar fréttir

Spursmál

„Athyglisvert að Inga Sæland láti snúa sig niður“

• Hefur verið boðinn borgarstjórastólinn
• Aukaþáttur af Spursmálum: Upplausn í borgarstjórn
• Stjórnmálafólk fer hamförum á samfélagsmiðlum
• Fyrrum lögreglustjóri tafði rannsókn málsins

» Fleiri tengdar fréttir

• Blogga um frétt