Tugmilljóna tjón eftir ofsaveðrið
Setja bókamerki
Starfsmenn Fjarðabyggðar hafa ásamt verktökum og íbúum staðið í ströngu í hreinsunarstarfi og viðgerðum í Stöðvarfirði eftir ofsaveðrið sem gekk yfir bæinn síðastliðinn fimmtudag.
Bjarni Stefán Vilhjálmsson, verkstjóri í þjónustumiðstöð Stöðvarfjarðar, segir að vinnan gangi ágætlega en þaktjón varð á mörgum húsum í bænum og er búið að setja plast yfir þök þeirra húsa og festa niður lausar þakplötur.
„Ég held að það sé búið að loka öllum þökum og við höfum náð að vinna úr stærstu hlutunum en vinna við að tína upp rusl mun verða í gangi fram á vor,“ segir Bjarni við mbl.is en um tíu hús urðu fyrir skemmdum í ofsaveðrinu. Rúður brotnuðu í mörgum húsum og þá urðu skemmdir á nokkrum bílum, bæði lakkskemmdir og rúðutjón, og jafnframt eru innréttingar í sumum húsum illa farnar eftir vatnstjón.
/frimg/1/54/73/1547328.jpg)
Bjarni segir að tjónið hlaupi á tugmilljónum króna ef ekki hundrað.
„Það er sjálfsagt brjálað að gera hjá tryggingarfélögunum þessa dagana út um allt land. Ég veit til þess að það var eitt tryggingarfélag með mann hérna fyrir helgina,“ segir hann.
Bjarni segir að tekist hafi að forða enn frekara tjóni eins og að binda upp trillur sem losnuðu en vindhraðinn fór upp í allt að 57 metra á sekúndu í Stöðvarfirði.
„Ég hef verið búsettur í Stöðvarfirði frá árinu 2005 og ég hef aldrei orðið vitni að öðru eins óveðri og ég hef ekki hitt neinn sem man eftir svona veðri. Þetta ofsaveður skall á klukkan átta um kvöldið og það stóð sleitulaust yfir í tæpan sólarhring. Svo hjálpaði ekki vatnsveðrið þegar áin setti allt í rugl og sópaði ofan af vatnslögnum. Nú er bara að krossa fingur að þær gefi sig ekki því þá missir útbærinn vatnið,“ segir hann.
Talaði um Guð, djöfulinn og Jesú við handtöku
Enn að keppa 73 ára
„Núna byrja svona alvöru þreifingar“
Ekki sérstaklega bjartsýn fyrir fund dagsins
„Ljóst mál að fólk mætir í vinnuna á morgun“
Fátt nýtt í stefnuræðu Kristrúnar