Búast má við mildri sunnanátt í dag og strekkings vindi norðvestan til. Hægara verður annars staðar.
Sunnan- og vestanlands má búast við dálítilli vætu, svipað og verið hefur síðustu daga. Léttskýjað verður á Norðaustur- og Austurlandi.
Suðvestan gola eða kaldi verður á morgun. Allvíða skúrir og jafnvel slydda verða um tíma við norðausturströndina, en yfirleitt þurrt austanlands.
Á miðvikudag er síðan útlit fyrir suðaustan golu eða kalda með stöku skúrum um landið sunnan- og vestanvert.