Á kjördæmisþingi Sjálfstæðisflokksins í Norðausturkjördæmi var ákveðið að efna til prófkjörs við val frambjóðenda á framboðslista Sjálfstæðisflokksins fyrir alþingiskosningarnar 2013.

Fundurinn var haldinn í Mývatnssveit og við lok hans í dag var ályktun samþykkt samhljóða þar sem meðal annars segir að „þegjandi samkomulag“ ríkisstjórnarflokkanna gegn framkvæmdum við orkuvinnslu á Íslandi hafi loksins verið rofið.

„Einnig þarf að ryðja úr vegi sem fyrst öðrum þeim hindrunum sem standa í vegi iðnaðaruppbyggingar á Bakka við Húsavík,“ segir í ályktuninni.

Þá krefst kjördæmisráð Sjálfstæðisflokksins í Norðausturkjördæmi þess að atvinnumál verði sett í forgang með þeim hætti að stuðlað verði að aukinni fjárfestingu í öllum helstu atvinnugreinum kjördæmisins og þess verði sérstaklega gætt að styrkja stöðu lítilla og meðalstórra fyrirtækja. 

„Stjórnvöld eiga skilyrðislaust að gefa öllum þeim sem kjósa sér búsetu í þessu kjördæmi tækifæranna frelsi til að nýta þau gæði sem hér eru, Íslandi öllu til hagsbóta.“

Tengdar fréttir

Alþingiskosningar 2013

59,9% styðja ríkisstjórnina

• Ræddu um ráðuneytin í gær
• Fengu sent soðbrauð úr sveitinni
• Hlustað verði á álit 60% kjósenda
• Ræða skuldir heimilanna í dag

» Fleiri tengdar fréttir

• Blogga um frétt