Efnahags- og skuldamál verða einkum til umræðu á fundi formanna Sjálfstæðisflokksins og Framsóknarflokksins um myndun nýrrar ríkisstjórnar sem gert er ráð fyrir að hefjist upp úr hádegi í dag. Þar með talinn skuldavandi heimilanna.

Þetta segir Jóhannes Þór Skúlason, aðstoðarmaður Sigmundar Davíðs Gunnlaugssonar formanns Framsóknarflokksins, í samtali við mbl.is. Hann segir aðspurður að viðræðurnar gangi sem fyrr vel. Ekkert hafi hins vegar verið rætt um það hvernig ráðuneytum kunni að verða skipt á milli flokkanna enn sem komið er. Fyrst sé ætlunin að ræða málefnin áður en komi að mögulegri verkaskiptingu.

Sigmundur og Bjarni Benediktsson, formaður Sjálfstæðisflokksins, hafa átt í stjórnarmyndunarviðræðum frá því um síðustu helgi. Ýmist í sumarbústöðum eða í Reykjavík. Fundað verður í dag í Reykjavík að sögn Jóhannesar.

Tengdar fréttir

Alþingiskosningar 2013

59,9% styðja ríkisstjórnina

• Ræddu um ráðuneytin í gær
• Fengu sent soðbrauð úr sveitinni
• Hlustað verði á álit 60% kjósenda
• Árangursríkum fundi lokið

» Fleiri tengdar fréttir

• 3 blogg um fréttina

Bloggað um fréttina

• Magnús Helgi Björgvinsson: Nú er þeir búnir að ræða saman í Reykholti, Þingvöllum …
• Sæmundur Bjarnason: 1961 - Skuldir heimilanna
• Jón Ingi Cæsarsson: BB sagði enga fyrirstöðu, en stóru málin samt órædd.