Brynjar Níelsson vill þriðja sætið
Setja bókamerki
Brynjar Níelsson, þingmaður Sjálfstæðisflokksins, sækist eftir þriðja sæti í prófkjöri flokksins í Reykjavík fyrir alþingiskosningarnar. Hann greinir frá þessu á Facebooks-síðu sinni.
„Ég legg áherslu á áframhaldandi aðgerðir til að treysta efnhagslegan stöðugleika með aðhaldi í ríkisfjármálum. Forsenda velferðar allra er öflugt atvinnulíf og stöðugleiki. Og forsenda öflugs atvinnulífs er trú á einstaklinginn og sköpuð sé eðlileg umgjörð fyrir hann til athafna og sköpunar. Ég er trúr grunnstefnu Sjálfstæðisflokksins og tel að við þurfum að leita oftar lausna þar í glímu við þau vandamál sem við stöndum frammi fyrir á hverjum tíma.
Ég vonast eftir stuðningi sjálfstæðismanna í prófkjörinu. Ég vil jafnframt skora á alla sjálfstæðismenn að taka þátt í prófkjörinu og raða upp fjölbreyttum og sigurstranglegum lista í Rykjavík enda úr mörgum öflugum frambjóðendum að velja. Í Reykjavík eru mikil sóknarfæri fyrir okkur sjálfstæðismenn. Góð þátttaka getur ráðið miklu um framhaldið og möguleika á góðri kosningu 29. október,“ segir í færslu Brynjars.
Nýtt fangelsi í landi Stóra-Hrauns tilbúið 2028
Hraun kemur úr þremur gígum: Virknin stöðug
Pútín reynir allt til að forðast aðra herkvaðningu
Reiðubúin að aflýsa verkföllum í fjórum leikskólum
„Höfum sloppið bærilega með skaða af þessu gosi“
Rússar sagðir útvega N-Kóreu milljón olíutunnur