Starfsmaður Alþingis sendi í vikunni stuðningspóst á félagsmenn Vinstri grænna í Norðvesturkjördæmi fyrir hönd Lilju Rafneyjar Magnúsdóttur, þingmanns, en hún sækist eftir 1. sæti á lista flokksins í kjördæminu. Pósturinn var sendur frá netfangi starfsmannsins sem er skráð á Alþingi.

Í póstinum segist Lilja vilja leggja fram krafta sína í baráttunni fyrir réttlátu og heilbrigðu samfélagi með grunngildi VG að leiðarljósi. Ekki hefur náðst í Lilju vegna málsins.

Norðvesturkjördæmi er eina kjördæmið þar sem forval fer fram hjá Vinstri grænum. Þegar atkvæði eru greidd í forvalinu á að tölusetja frambjóðendur í sex efstu sætunum, og sækist Lilja eftir því efsta. 

Mbl.is hefur reynt að ná í formann kjörstjórnar og framkvæmdastjóra flokksins vegna málsins, án árangurs. 

Tengdar fréttir

Alþingiskosningar 2016

Brutu lög með SMS-skilaboðum

• Skýrslan var tilbúin fyrir kosningar
• Lítill stuðningur við ríkisstjórnina
• „Báknið byggt upp“
• Gaf frá sér formennsku í þremur nefndum

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Tíelleft vandlætingarskeifa sendir póst