Lilja Dögg Alfreðsdóttir utanríkisráðherra styður Sigmund Davíð Gunnlaugsson til áframhaldandi formennsku, en kosið verður á milli þeirra Sigmundar og Sigurðar Inga Jóhannssonar á flokksþingi Framsóknarflokksins næstu helgi.

„Þetta eru báðir úrvalsmenn sem hafa staðið sig mjög vel,“ segir Lilja Dögg. Segir hún Sigmund hafa staðið sig mjög vel í forsætisráðherratíð sinni og farið fyrir ríkisstjórn sem náð hafi frábærum árangri á kjörtímabilinu. Sigurður Ingi hafi komið inn í „mjög þrönga stöðu og hefur honum gengið mjög vel,“ segir Lilja Dögg. „Ég er klár á því að við erum með tvo úrvalsmenn.“

Frétt mbl.is: Lilja íhugar varaformanninn

Spurð út í hugsanlegt varaformannsframboð sitt kveðst Lilja enn vera að íhuga það, en Eygló Harðardóttir greindi frá framboði sínu til varaformanns í gær. „Ég er enn að íhuga það. Ég er að tala við mitt fólk og meta stöðuna,“ segir Lilja Dögg. Hún á von á því að ákvörðunin liggi fyrir á næstu dögum. 

Tengdar fréttir

Alþingiskosningar 2016

Brutu lög með SMS-skilaboðum

• Skýrslan var tilbúin fyrir kosningar
• Lítill stuðningur við ríkisstjórnina
• „Báknið byggt upp“
• Gaf frá sér formennsku í þremur nefndum

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Enginn smá-stuðningur, skohh ...