Mjög hátt hlutfall útstrikana
Setja bókamerki
Gestur Jónsson, formaður yfirkjörstjórnar í Norðausturkjördæmi, segir að mjög mikið hafi verið um útstrikanir í alþingiskosningunum á laugardag, en samtals var um 1.253 útstrikanir að ræða í kjördæminu.
„Þetta er mjög hátt hlutfall útstrikana, miðað við það sem áður hefur verið,“ segir Gestur í samtali við mbl.is.
mbl.is hefur áður greint frá því að áberandi mest hafi verið um útstrikanir á lista Framsóknarflokksins, en Sigmundur Davíð Gunnlaugsson, fyrrverandi forsætisráðherra, er oddviti flokksins í kjördæminu. Flokkurinn hlaut 4.542 atkvæði þar á laugardag, eða 20% atkvæðanna.
Niðurstaðan kynnt á mánudag
Gestur segir að yfirkjörstjórn Norðausturkjördæmis hafi sent niðurstöður sínar til landskjörstjórnar í gærkvöldi, sem yfirfari nú þau gögn sem send hafi verið. Á meðan landskjörstjórn hafi ekki lokið störfum, sé frekari flokkun á útstrikunum eftir stjórnmálaflokkum ekki gefin upp.
Þórhallur Vilhjálmsson, ritari landskjörstjórnar, sagði að stjórnin yfirfæri nú gögn af öllu landinu og áætlað væri að gefa það út á mánudaginn, þann 7. nóvember, hver niðurstaðan væri.
Bjarni: „Útilokað að þetta geti gengið upp“
„Þetta er ríkisstjórn almannahagsmuna“
Barn lést í árásinni
Lát hjóna í Neskaupstað: Ákæra gefin út
Alvarleg netárás á Wise
Stormur á Þorláksmessu en víðast hvar stefnir í hvít jól
