Þórdís Lóa Þórhallsdóttir verður oddviti Viðreisnar í Reykjavík í komandi sveitarstjórnarkosningum.

Þetta kom fram á opnum félagsfundi flokksins. Þar var samþykkt tillaga uppstillingarnefndar að framboðslista flokksins fyrir komandi kosningar.

Um er að ræða fullskipaðan 46 einstaklinga framboðslista þar sem rík áhersla er lögð á fjölbreyttan bakgrunn frambjóðenda auk dreifingar í aldri, kyni og búsetu, að því er kemur fram í tilkynningu.

Áherslur Viðreisnar í borginni verða á frjálslyndi, víðsýni, almannahagsmuni og jafnrétti með það að leiðarljósi að Reykjavík verði enn betri borg til að búa í.

„Reykjavík er frábær borg þar sem mætast borgarmannlíf og nálægð við náttúru. Okkur í Viðreisn er sérstaklega umhugað um að setja fókusinn á þarfir borgarbúa í daglegu lífi í borginni. Leiðarljósið okkar er að tryggja borgarbúum góða þjónustu, framúrskarandi menntun, heildstætt skipulag og góðar samgöngur. Þannig viljum við stuðla að því að Reykjavík verði besta borg í Evrópu sem við teljum raunhæft ef vel er haldið á spöðunum,“ segir Þórdís Lóa í tilkynningunni.

Framboðslisti Viðreisnar í Reykjavík:

1. Þórdís Lóa Þórhallsdóttir, rekstrarhagfræðingur
2. Pawel Bartoszek, stærðfræðingur
3. Diljá Ámundadóttir, almannatengill og varaborgarfulltrúi
4. Gunnlaugur Bragi Björnsson, viðskiptafræðingur
5. Vilborg Guðrún Sigurðardóttir, grunnskólakennari
6. Geir Finnsson, formaður Uppreisnar í Reykjavík
7. Arna Garðarsdóttir, mannauðsstjóri Landbúnaðarháskóla Íslands
8. Ingólfur Hjörleifsson, aðjúnkt við verkfræði- og náttúruvísindasvið HÍ
9. Helga Lind Mar, laganemi, frístundaleiðbeinandi og aktívisti
10. Hörður Ágústsson, framkvæmdastjóri
11. Sara Sigurðardóttir, sérfræðingur í markaðsmálum
12. Árni Grétar Jóhannsson, leikstjóri og leiðsögumaður
13. Katrín Sigríður Júlíu Steingrímsdóttir, nemi
14. Freyr Gústavsson, tekjustjóri
15. Þórunn Hilda Jónasdóttir, verkefnastjóri viðburða
16. Arnar Kjartansson, nemi
17. Jenný Guðrún Jónsdóttir, rekstarstjóri
18. Sverrir Kaaber, skrifstofustjóri
19. Kristín Ágústsdóttir, sérfræðingur
20. Oddur Mar Árnason, þjónn
21. María Rut Kristinsdóttir, aðstoðarmaður formanns Viðreisnar
22. Einar Thorlacius, lögfræðingur
23. Þorbjörg Inga Þorsteinsdóttir, lögfræðingur
24. Aron Eydal Sigurðarson, þjónustufulltrúi
25. Aðalbjörg Guðmundsdóttir, náms og starfsráðgjafi
26. Gylfi Ólafsson, doktorsnemi
27. Dóra Tynes, lögmaður
28. Lárus Elíasson, verkfræðingur
29. Sóley Ragnarsdóttir, lögfræðingur
30. Starri Reynisson, stjórnmálafræðinemi
31. Sandra Hlín Guðmundsdóttir, nám- og starfsráðgjafi
32. Einar Karl Friðriksson, efnafræðingur
33. Sigrún Helga Lund, dósent í líftölfræði
34. Jón Bjarni Steinsson, framkvæmdastjóri
35. Jóhanna Dýrunn Jónsdóttir, markaðsstjóri
36. Gunnar Björnsson, forseti Skáksambands Íslands
37. Ásdís Rafnar, lögfræðingur
38. Lúðvíg Lárusson, sálfræðingur
39. Stefanía Sigurðardóttir, viðburðastjóri
40. Samúel Torfi Pétursson, skipulagsverkfræðingur
41. Jóhanna E. Sveinsdóttir, viðskiptafræðingur
42. Jón Júlíus Karlsson, framkvæmdastjóri
43. Tanja Kristín Leifsdóttir, grunnskólakennari
44. Andri Guðmundsson, deildarstjóri
45. Jóhanna Fjóla Ólafsdóttir, fyrrverandi lektor
46. Benedikt Jóhannesson, stærðfræðingur

Tengdar fréttir

Sveitarstjórnarkosningar 2018

„Umtalsverðir annmarkar“ á kosningunum

• Styrkja flokkana um 13,3 milljónir
• Finnur Yngvi ráðinn í Eyjafjarðarsveit
• Ráðinn bæjarstjóri Ísafjarðarbæjar
• Aðalheiður ráðin bæjarstjóri á Seyðisfirði

» Fleiri tengdar fréttir

• Blogga um frétt