Ragna Sigurðardóttir hefur verið ráðin til að stýra kosningabaráttu Samfylkingarinnar í Reykjavík fyrir borgarstjórnarkosningarnar í vor. Ragna lét nýverið af störfum sem formaður Stúdentaráðs Háskóla Íslands, en hún gegndi því starfi síðastliðið ár fyrir hönd Röskvu – samtaka félagshyggjufólks við Háskóla Íslands. Ragna hefur verið í ársleyfi frá námi í læknisfræði við Háskóla Íslands til að gegna því starfi.

Í tilkynningu frá Samfylkingunni kemur fram að samhliða námi við Háskóla Íslands hafi Ragna meðal annars komið að stofnun félagsins Hugrúnar – geðfræðslufélags ásamt öðrum nemendum.

Ragna sat í Stúdentaráði og Háskólaráði Háskóla Íslands sem einn tveggja fulltrúa stúdenta og tók virkan þátt í stjórn Félags læknanema á fyrstu árum hennar í læknisfræði.

Tengdar fréttir

Sveitarstjórnarkosningar 2018

„Umtalsverðir annmarkar“ á kosningunum

• Styrkja flokkana um 13,3 milljónir
• Finnur Yngvi ráðinn í Eyjafjarðarsveit
• Ráðinn bæjarstjóri Ísafjarðarbæjar
• Aðalheiður ráðin bæjarstjóri á Seyðisfirði

» Fleiri tengdar fréttir

• Blogga um frétt