Dagur B. Eggertsson, borgarstjóri og oddviti Samfylkingarinnar í Reykjavík, segir að ekki komi til greina að Samfylking og Sjálfstæðisflokkur starfi saman í borgarstjórn. Frá þessu greindi hann í viðtali á Sprengisandi á Bylgjunni í morgun.

Sjálf­stæðis­flokk­ur­inn er stærstur í borginni og fékk átta menn kjörna inn í borg­ar­stjórn. Samfylkingin kemur þar á eftir með sjö borg­ar­full­trúa. 

Kristján Kristjánsson þáttastjórnandi spurði Dag hvort hann og Eyþór Arnalds, oddviti Sjálfstæðisflokksins í Reykjavík, væru útilokaðir samstarfsmenn. „Já, í mínum huga,“ svaraði Dagur.

„Mér finnst það hafa svolítið kristallast að við deilum framtíðarsýn fyrir Reykjavík með mjög mörgum flokkum sem voru að bjóða fram í borgarstjórn en Sjálfstæðisflokkurinn er ekki einn af þeim. Á meðan það er þannig þá eru einfaldlega ekki fletir,“ sagði Dagur jafnframt.

Eyþór sagði að málefnin væru það sem skiptu máli og að niðurstaða kjósenda í borginni væri afdráttarlaus, það er ákall um breytingar. „Ákallið er skýrt. Það á að mynda breytingastjórn sem tekur á vandanum, það er húsnæðisvandi, umferðarvandi og kerfisvandi.“

Tengdar fréttir

Sveitarstjórnarkosningar 2018

„Umtalsverðir annmarkar“ á kosningunum

• Styrkja flokkana um 13,3 milljónir
• Finnur Yngvi ráðinn í Eyjafjarðarsveit
• Ráðinn bæjarstjóri Ísafjarðarbæjar
• Aðalheiður ráðin bæjarstjóri á Seyðisfirði

» Fleiri tengdar fréttir

• Blogga um frétt